नेपाली   |  English

२३१ यात्रु सवार विमानको इन्जिन आगो लागेर खस्यो(भिडिओ हेर्नुहोस्)


A A A

२३१ यात्रु सवार विमानमा १० चालक दलका सदस्य थिए।

काठमाडौं – अमेरिकाको कोलोराडो राज्यमा एउटा ठूलो दुर्घटना टरेको छ।

राज्यको राजधानी डेनबरमा उडिरहेको बोइङको ७७७ विमानको एउटा इन्जिनमा आगो लागेको हो। २३१ यात्रु सवार विमानमा १० चालक दलका सदस्य थिए।

आगो लागेपछि उक्त इन्जिनको टुक्राहरु जमिनमा खसेको सीएनबीसीले जनाएको छ।

यद्यपी यस घटना दुर्घटनामा परिणत हुन पाएन जसका कारण विमानमा सवार सबै यात्रुहरु सकुशल छन्।

अर्को इन्जिन सक्रिय रहेकाले दुर्घटना हुन नपाएको हो। शनिबार डेनबर अन्तर्राष्ट्रिय विमानस्थलमा उक्त विमान पाइलटले सफल रुपमा अवतरण गरेको बताइएको छ।

ब्रुमफिल्ड टाउनका प्रहरीका अनुसार इन्जिनका टुक्राहरु मानिसका घर वरपर भेटिएका छन्।

यी टुक्राहरुले मानिसलाई हालसम्म लागेको खबर प्राप्त नभएको बीबीसीले जनाएको छ।

यस विमान डेभबरदेखि होनोलुलुका लागि उडेको थियो। फेडरल एभियसन एडमिनिस्ट्रेसनका अनुसार उक्त फ्लाइट ३२८ को दाहिने इन्जिनमा खराबी आएको थिढयो।

सार्वजनिक भएका तस्बिर तथा भिडियोहरुमा विमानको एउटा इन्जिनमा आगो लागेको देखिन्छ। मानिसहरुले इन्जिनका टुक्राहरुको फोटो पनि सामाजिक संजालमा पोस्ट गरेका छन्।


0 प्रतिक्रिया(हरु)


प्रतिक्रिया छोड्नुहोस्।

चिन्ता नलिनुहोस्! तपाईको इ-मेल ठेगाना प्रकाशित हुँदैन। आवश्यक क्षेत्रहरू चिह्नित छन्। (*).


Top