नेपाली   |  English

सनराइज बैंकका सीईओ जनक शर्माले दिए राजीनामा


A A A

खतिवडा अमेरिका प्रस्थान गर्नु र सीईओ शर्माले राजीनामा दिनु एक दिन अघिपछिमात्रै भएकाले यसलाई अर्थपूर्ण तरिकाले हेरिएको छ ।

काठमाडौं - सनराइज बैंकका प्रमुख कार्यकारी अधिकृत जनक शर्मा पौड्यालले पदबाट राजीनामा दिएका छन् । लामो समय बैंक सञ्चालक र व्यवस्थापनबीच बिवाद रहदै आएको सनराइज बैंकका सीईओ पौड्यालले मंगलबार सञ्चालक समितिका अध्यक्ष समक्ष राजीनामा बुझाएका छन् ।

उनको राजीनामा मंगलबार नै स्वीकृत गर्ने बैंक सञ्चालक समितिको तयारी रहेको छ । एक वर्ष अघि बैंकमा निकै ठूलो बिवाद सिर्जना भएको थियो । बैंकको बिवाद नेपाल राष्ट्र बैंकसम्म पुगेको थियो । राष्ट्र बैंकमा भएको छलफल पछि मत्थर देखिएको बिवाद भित्रभित्रै भने रहिरहेको थियो ।

यस्तै अवस्थामा सीईओ शर्माले राजीनामा बुझाएका हुन् । सीईओ शर्मा ४ वर्षका लागि नियुक्त भएका थिए । २ वर्ष कार्यकाल अझै बाँकी रहेका कारण उनले बाँकी समयको सेवा सुविधा समेत पाउने गरी राजीनामा दिएका हुन् ।

यहाँ रोचक कुरा त तत्कालिन अर्थमन्त्री डा. युवराज खतिवडा अमेरिकाको राजदूत नियुक्त भएर अमेरिका प्रस्थान गरेको भोलि पल्टै सीईओ शर्माले राजीनामा दिएका छन् । अर्थमन्त्री खतिवडाका छोरा तिलक खतिवडा सनराइज बैंकमै कार्यरत रहेका छन् ।

सीईओ शर्माले नै उनलाई सनराइज बैंक लगेका थिए । खतिवडा अमेरिका प्रस्थान गर्नु र सीईओ शर्माले राजीनामा दिनु एक दिन अघिपछिमात्रै भएकाले यसलाई अर्थपूर्ण तरिकाले हेरिएको छ ।


0 प्रतिक्रिया(हरु)


प्रतिक्रिया छोड्नुहोस्।

चिन्ता नलिनुहोस्! तपाईको इ-मेल ठेगाना प्रकाशित हुँदैन। आवश्यक क्षेत्रहरू चिह्नित छन्। (*).


Top