नेपाली   |  English

कुलेश्वर फलफुल बजारमा डिजिटल कारोबारको शुभारम्भ: गभर्नरले भने- 'धेरै नोटमा हस्ताक्षर गर्न नपरोस्'


A A A

डिजिटल कारोबार गर्दा राज्यको अर्बौं रकम बचत

काठमाडौं – नेपाल राष्ट्र बैंकका गभर्नर महाप्रसाद अधिकारीले आफूले हस्ताक्षर गरेको नोट धेरै छाप्नु नपरोस भन्ने आफूले चाहेको बताएका छन् । शुक्रबार कुलेश्वर फलफुल बजारमा डिजिटल कारोबारको शुभारम्भ गर्दै उनले सकेसम्म नोटहरु बजारमा नदेखिउन भन्ने आफूले चाहेको बताए ।

डिजिटल कारोबारले नगद कारोबारलाई निरुत्साहित गरोस भन्ने आफूले चाहेको उनको भनाई छ । ‘म नोटमा हस्ताक्षर गर्ने व्यक्ति हुँ, तर मेरो कार्यकालमा धेरै नोट छापियोस भन्ने चाहान्न’ गभर्नर अधिकारीले भने, ‘डिजिटल कारोबार नै सुरक्षित हो, राज्यको खर्च पनि बचाउछ यसकारण नगद होइन डिजिटल कारोबार नै रोज्न मेरो अनुरोध पनि छ ।’

सुरक्षाको दृष्टिकोणले पनि डिजिटल कारोबार नै उत्तम हुने भन्दै उनले अब सबै नागरिकले नगद रहित कारोबारलाई प्राथमिकतामा राख्नु पर्ने बताए । उनले डिजिटल कारोबार गर्दा राज्यको अर्बौं रकम बचत समेत हुने बताए ।

कुलेश्वरमा नविल बैंकको अगुवाइमा क्यूआर पेमेन्ट शुरुआत भएको हो । नविलका अध्यक्ष उपेन्द्र केशरीले अब डिजिटल कारोबार सबैतिर पुर्याउनु पर्ने बताएका । नविलका प्रमुख कार्यकारी अधिकृत अनिल केशरी शाहले अब यो अभियानलाई व्यापक बनाइने बताए । उनले अब टोलटोलमा डिजिटल कारोबार हुने बताए ।

यस अघि शुक्रबारमात्रै एनएमबि बैंकले बल्खु तरकारी बजारमा पनि क्यूआर पेमेन्टको शुभारम्भ गरेको छ । बल्खुमा पनि गभर्नर अधिकारीले नै उद्घाटन गरेका थिए ।


0 प्रतिक्रिया(हरु)


प्रतिक्रिया छोड्नुहोस्।

चिन्ता नलिनुहोस्! तपाईको इ-मेल ठेगाना प्रकाशित हुँदैन। आवश्यक क्षेत्रहरू चिह्नित छन्। (*).


Top