नेपाली   |  English

सुशान्त प्रकरण: एनसीबीको सोधपुछमा नायिका दीपिका पादुकोणको बयान बारम्बार बदलिएपछि..


A A A

दीपिका बयानका क्रममा रोकिएकी समेत थिइन् ।

एजेन्सी – नायिका दीपिका पादुकोणले केही दिनयता कानुनी झमेला भोगिरहेकी छिन् । नायक सुशान्त सिंह राजपुतको निधनपछि उत्पन्न परिस्थितीले उनलाई कानुनी घेरामा ल्याएको हो । सुशान्तको निधनको मुद्दा ड्रग्ससँग जोडिएपछि दीपिका लगायत केही नायिकाको नाम यसमा मुछिएको छ ।

शनिबार बलिउडका केही नायिकासँग भारतको नारकोटिक्स कन्ट्रोल ब्यूरोले बयान लियो । बयानका क्रममा नायिका साराअली खान, रकुल प्रित सिंह र श्रद्धा कपुरले आफ्नो अडान स्पष्ट रुपमा राखेको भारतीय मिडियाले उल्लेख गरेका छन् । उनीहरुले ड्रग्स सेवन नगरेको अडान राखेका थिए ।

तर, नायिका दीपिका पादुकोण पनि स्पष्ट अडानमा उभिन नसकेको भारतीय मिडियाले जनाएका छन् । मिडिया रिपोर्टका अनुसार, दीपिकाको बयान बारम्बार बदलिएको थियो । उनी, बयानका क्रममा रोकिएकी समेत थिइन् ।

दीपिकालाई यो घटनाले गहिरो असर पारेको भारतीय मिडियाले जनाएका छन् । शुक्रबार बेलुकी चार्टर प्लेनबाट मुम्बइ आएकी दीपिकाले आफ्ना वकिलहरुसँग छलफल समेत गरेकी थिइन् । तर, शनिबार बयानका क्रममा भने दीपिकामा आत्मविश्वास नदेखिएको बताइएको छ ।

एनसीबीले नायिकाहरुलाई अब कहिले बयानका लागि बोलाउँछ पक्का छैन । तर, कुनै पनि समयमा नायिकाहरुलाई बयानका लागि बोलाउन सक्ने दाबी भारतीय मिडियाको छ । शनिबार बलिउडका ४ नायिकाको मोबाइल समेत जफत गरिएको छ ।


0 प्रतिक्रिया(हरु)


प्रतिक्रिया छोड्नुहोस्।

चिन्ता नलिनुहोस्! तपाईको इ-मेल ठेगाना प्रकाशित हुँदैन। आवश्यक क्षेत्रहरू चिह्नित छन्। (*).


Top