नेपाली   |  English

बुटवलमा थप एक कोरोना संक्रमित महिलाको मृत्यु

फाइल तस्विर

A A A

अस्पतालमा आइसीयू र भेन्टिलेटरका बेड खाली नभएपछि उनको आइसोलेशनमै अक्सिजन दिएर उपचार थालिएको अस्पतालले जनाएको छ।

बुटवल – रुपन्देहीमा कोरोना भाइरसको संक्रमण पुष्टि भएकी एक महिलाको मृत्यु भएको छ।

बुधबार बेलुका ७ बजे लुम्बिनी प्रादेशिक अस्पतालमा उपचारका लागि आएकी सैनामैना नगरपालिका ११ की ७७ वर्षीया महिलाको बिहीबार बिहान साढे ४ बजे मृत्यु भएको प्रादेशिक अस्पतालका सूचना अधिकारी डा‍‍. विष्णु गौतमले जानकारी दिए।

गम्भीर अवस्थामा अस्पताल आएकी उनको जिन एक्सपर्ट विधिबाट परीक्षण गर्दा कोरोना संक्रमण पुष्टि भएपछि उनलाई अस्पतालकै आइसोलेशनमा अक्सिजन दिएर उपचार थालिएको थियो।

अस्पतालमा आइसीयू र भेन्टिलेटरका बेड खाली नभएपछि उनको आइसोलेशनमै अक्सिजन दिएर उपचार थालिएको अस्पतालले जनाएको छ।

उनका अनुसार ती महिला करीब ३,४ दिनदेखि निमोनियाबाट ग्रस्त थिइन्।

‘अस्पतालमा आउँदा ज्वरो थियो, हामीले जिन एक्सपर्टबाट परीक्षण गर्दा कोरोना संक्रमण पुष्टि भयो, त्यसपछि उपचार थालेका थियौं, उनले भने बिहान साढे ४ बजे उहाँको मृत्यु भयो, उहाँ घरबाट आउँदा नै एकदमै कमजोर भइसक्नुभएको थियो, निमोनियाले गलाइसकेको थियो।’

बुटवलको कोरोना विशेष अस्पतालमा १६ वटा आइसीयू बेड रहेकोमा सबैमा संक्रमित उपचाररत छन्।


0 प्रतिक्रिया(हरु)


प्रतिक्रिया छोड्नुहोस्।

चिन्ता नलिनुहोस्! तपाईको इ-मेल ठेगाना प्रकाशित हुँदैन। आवश्यक क्षेत्रहरू चिह्नित छन्। (*).


Top