नेपाली   |  English

११ सय वर्ष पुरानो सुनका सिक्का फेला

सिक्काहरु २४ क्यारेट सुनका हुन्। तस्बिर /रोयटर्स

A A A

पुरातात्विक क्षेत्रमा खोजीमा खटिएका युवाले माटोको भाँडोमा राखी गाडिएको ११ सय वर्ष पुरानो ४२५ वटा सुनका सिक्का भेट्टाएका हुन् ।

एजेन्सी - पुरातात्विक क्षेत्रमा स्वयम सेवा गरिरहेका युवाले इजरायलको मध्य क्षेत्रमा ११ सय वर्ष पुरानो सुनका सिक्का फेला पारेका छन्।

पुरातात्विक क्षेत्रमा खोजीमा खटिएका युवाले माटोको भाँडोमा राखी गाडिएको ११ सय वर्ष पुरानो ४२५ वटा सुनका सिक्का भेट्टाएका हुन् ।

अधिकांश सिक्कामा रहेको मिति इस्लामिक समयको प्रारम्भिक काल छ। ती सिक्काहरुको तौल ८४५ ग्राम रहेको छ। ती सिक्काहरु अब्बासिद कालका हुन्।

सिक्का गाडिएका बेला त्यसको मूल्य अति धेरै थियो। ती सिक्काको मूल्यले शहरमा आलिशान महल किन्न सकिन्थ्यो। ती सिक्का कसका हुन् र त्यहाँ गाडेपछि लिन किन फर्किएनन् भन्ने रहश्यकै विषय छ।

गाड्ने व्यक्तिले ती सिक्का पुनः निकाल्ने ठानेर नै सुरक्षित रुपमा गाडेको देखिने उत्खनन संस्थाका प्रमुखले बताएका छन्।

उत्खनन संस्थामा स्वयम सेवा गरिरहेका ओज कोहेनले सिक्का भेट्टाएका हुन्। उनले भनेका छन्, ‘त्यो सारै उत्कृष्ट समय थियो । मैले भूईँमा खनेर निकाल्दा सारै पातलो पात जस्तो थियो। फेरि हेरेपछि मात्रै थाहा पाएको थिएँ कि ती सुनका सिक्काहरु रहेछन्।’


0 प्रतिक्रिया(हरु)


प्रतिक्रिया छोड्नुहोस्।

चिन्ता नलिनुहोस्! तपाईको इ-मेल ठेगाना प्रकाशित हुँदैन। आवश्यक क्षेत्रहरू चिह्नित छन्। (*).


Top